Minne frå NSUA-laget "Von" i Volda

Mitt medlemskap i NSUA - som lite nok la oppgåver på meg, førde meg likevel til møte med landskjende personar som t.d. Johan Scharffenberg o.fl.. Saman med Harald Flø vart eg vald til utsending for Volda-laget til landsmøtet på Ringsaker. (Eg har ikkje noko notat som kan slå fast årstalet!) Eg har mange minneglimt frå dette Landsmøtet og her kjem namn fram - saman med alt nemnde Johan Scharffenberg - Halvard Magerøy, Dagfinn Mannsåker, Sigurd Birkelund, og sjølvsagt kameraten min frå Hareid og Volda, Harald Flø. - Ein av møtedagane siglde vi på Mjøsa, kryssa "storevatnet vårt" og var over til Aulestad, Bjørnsons gard.

Det ligg enno i meg for ei sterk oppleving det var å høyre om diktarhovdingen vår, og vere gjest i tunet hans! Etter skuletida i Volda, har eg ikkje hatt samband med NSUA, men som eit lite poeng kan eg nemne at eg kom til å ha NSUA-nåla på jakkeslaget relativt lenge. (Ein hadde "beste-kleda" lenge på 40- og 50-talet!)

- Med dette mi beste helsing til gamle NSUA-medlemer, og lukke til med markeringa!

Johan H.Grimstad, Hareid